تاند ( شنبه، دسرطان ۲۸) د ملګرو ملتونو امنيت شورا پاکستان کې د طالبانو پر مشر نوي بندیزونه ولګول.
د راپورونو له مخې ملګرو ملتونو د پاکستاني طالبانو مشرمحسود نوم په تورلېست کې شامل کړ.
سرچینې وایي په یاد لېست کې له دې وړاندې د القاعده او اسلامي دولت نومې ډلې د مشرانو نومونه هم شامل کړای شوي دي.
تر دې يو کال وړاندې د پاکستان د طالبانو د مشر نوم هم د نړيوالو ترهګرو په نوملړ کې لیکل شوی وو.
ملګري ملتونه وايي په اوسني نوملړکې د پاکستاني طالبانو دمشر د نوم شاملیدو سره د نوموړي شتمني هم کنګل شوې ده او زیاتوي دغه بندیزونه په فردي او تنظیمي کچه پر نوموړي لګول شوي دي.
د معلوماتوله مخې د ملګرو ملتونو په تور لېست کې اوسمهال ۲۶۱ کسان او ۸۹ ډلې شامل دي.
د پاکستان حکومت هم په یوه اعلامیه کې د دې پرېکړې هرکلی او ملاتړ کړی دی.