تاند (شنبه، د سرطان ۲۸) د کرملین ویاند په دې هېواد کې دکورونا ضد درملو د بریالیتوب خبر ورکړی دی.
دیمیتري پسکوف تېره ورځ رسنیو ته ویلي، چې روسیه کې د کورونا ویروس ضد درملو په اړه وروستۍ څېړنې بریالۍ ثابتې شوي او پایله یې هم بریالۍ ده.
هغه زیاته کړې، چې له دې پایلې وروسته دا څرګندیږي، چې مسکو د کورونا ضد واکسین تولید ته ډیره نږدې شوې ده.
پسکوف د دې واکسین بریالۍ ازموینې او غوښتونکو ته په اشارې زیاته کړې، چې روغتیا پالان به له یو شمېر نورو څېړنو او پوره ډاډ وروسته د دې واکسین په تولید پيل کوي.
روسیي چارواکي وایي ، که څه هم په دې هيواد دکورونا دویمه څپه راغلې خو بیاهم پيښې مخ به کمېدو دي.
روسیه د نړۍ یو له هغو هیوادونو وو ، چې د کورونا راتګ سره يې پر خلکو کلک بندیزونه ولګول او ماتوونکو سره یې سخت قانوني چلند وښود.
ډیری په دې باور دي، چې په روسیه کې د پیښو د کمیدو ستر لامل د حکومت کلک بندیزونه دي.
له دې وړندې امریکا متحده ایالت اعلان کړی وو چې د کورونا ضد درملو یې ښه پایله ورکړې او ژر به یې نړۍ ته هم وړاندې کړي.