تاند ( پنج شنبه، د سرطان ۲۶) د ننګرهار ولایتي چارواکي وایي د دې ولایت په نازیانو ولسوالۍ کې د لشکر اسلام په نوم د دولت ضد ډلې ۹ غړي وژل شوي دي.
د ننګرهار د والي ویاند عطاالله خوږیاڼی وایي دا کسان تېره شبه د نازیانو ولسوالۍ سپين ژۍ سیمه کې د ماینونو د جوړولو پرمهال وژل شوي دي.
خوږیاڼی زیاتوي پر یادو کسانو دماین جوړولو پرمهال خپل ماین چاودلی دی.
نوموړی وایي وژل شویو کسانو کې بهرني څوک شتون نه لري.
تر اوسه د لشکر اسلام ډلې په دې تړاو څه نه دي ویلي.
د ننګرهار په نازیانو ولسوالۍ کې د لشکراسلام ترڅنګ داعش او طالب وسله وال هم فعالیت لري خو ځایي خلک وایي اوس یې فعالیت ډیر کمزوری دی.