تاند ( چهارشنبه، د سرطان ۲۵) امریکایي رسنۍ وایي، چې ولسمشرټرمپ د واک له پيله تردې دمه څه باندې ۲۰ زره کرته دروغ ویلي او تېراېستونکې ژمنې یې کړې دي.
د یادو رسنیو د راپورونو له مخې ټرمپ د واک له پيله تر دې دمه دا دروغ د نړیوالو او کورنیو مهمو مسایلو په اړه ویلې دي.
امریکایي رسنۍ وایي ټرمپ یواځې د کورونا ویروس د پراختیا اړوند ۱۲۰۰ ځلې دروغ ویلي او دروغي ژمنې یې کړې دي.
سرچینې زیاتوي، چې ټرمپ په اوسط ډول په ورځ کې ۲۷ ځله د امریکا او نړۍ د مسایلو په اړه دروغ ویلي اود خپل واک په لومړیو سلو ورځو کې د مهمو مسایلو په تړاو د خلکو د تېر ایستلو لپاره ۴۹۲ ځلې دروغ ویلي دي.
سرچینه وایي هغه د واک په لومړیو ورځو کې په اوسط ډول هره ورځ نږدې پنځه دروغي ژمنې کړې دي.
ټرمپ په نړۍ کې هغه ولسمشر ګڼل کېږي، چې د حقایقو له ارزولو پرته له خپلې کوټې د مهمو مسایلو په اړه له خپله ځان ټوېټ پیغامونه خپروي.
امریکایي شنونکي بیا ولسمشر ټرمپ امریکا متحده ایالت لپاره درد سر بولي.