تاند ( یکشنبه، د سرطان ۲۲) د هندي رسنیو د راپورونو له مخې د هندي سینما د مشهورو لوبغاړو امیتاب بچن او زوی یې ابیشک بچن وروسته د ابیشک میرمن او لورهم په کورونا ناروغۍ اخته شوي دي.
د رسنیو راپورونو له مخې د هند نامتو لوبغاړې اېشوریا رای بچن او لور یې پر کرونا ویروس اخته شوي دي.
هندي روغتیایي چارواکي وایي، د ابیشک د میرمن او لور ټیسټ نن مثبت راغلی دی.
تر دې وړاندې د امیتاب بچن او زوی یې ابیشک بچن کورونا ټیسټونه هم مثبت راغلي وو او د هند ممبی ښار په ناناویتي روغتون کې تر درملنې لاندې دي.
امیتاب او ابیشک په خپلو ټويټونو کې لیکلي وو، چې د دوی کورنۍ تر جدي څار لاندې دي.
دواړو له هغو کسانو چې له دوی سره په تیرو څو ورځو کې راشه درشه کړې غوښتي وو، چې د ځان ساتنه وکړي څو په کورونا ناروغۍ اخته نشي.