تاند( سه شنبه ، د سرطان ۱۷) ایراني چارواکي وایي په جنوبي ښار باقرشهر کې چاودنې څلور تنو ته مرګ ژوبله اړولې ده.
د یاد ښار پولیسو رسنیو ته ویلي، چې یاده چاودنه نن سهار رامنځته شوې.
دوی وایي د چادونې له امله دوه تنه وژل شوي او دوه نور ټپيان دي چې د ټپیانو وضعیت د اندېښنې وړ ښودل شوی.
پولیس وایي چاودنه د اکسیجن په یوې کارخونه کې د کارکوونکو د بې احتیاطۍ له امله شوې ده.
بل لورته د ایران د باقر شهر ښاروال وایي، چې د اکسیجن د یوې سترې ډبې چاودنې له امله د کارخونې دیوالونه ویجاړ شوي او ورڅېرمه کورونو او دفترونو ته یې هم مالي زیانونه اړولي دي.
هغه په دې چاودنه کې د مالي زیان په اړه کره تر دې دمه کره جزیات نه دي شریک کړي.
وړمه ورځ هم په ایران کې د ګازو د تولید او چاڼ په یوه مرکزکې د ګازو خپریدو له امله ۷۰ تنه مسموم شوي وو.