تاند ( شنبه ، د سرطان ۱۴) د ایران د سړکو او ښار جوړونې ویز محمد اسلمي وایي، چې افغانستان سره یې د اورګاډي پټلۍ رغنیزې چارې د بشپړېدو په حال کې دي.
اسلمي وایي، چې د هرات-خواف ریل پټلۍ رغنیزې چارې به په بشپړه توګه د ۲۰۲۱ میلادي کال تر مارچ میاشتې پورې پای ته ورسېږي.
هغه زیاته کړه ، چې د ایران اړوند برخه رغنیزې چارې د بشپړېدو په درشل کې دي.
اسلمي دا لاره د ایران او په ځانګړي ډول افغانستان لپاره له اهمیته ډکه بللې او زیاته یې کړه، چې
د دې پټلۍ جوړېدو سره به نه یوازې په افغانستان کې د ایراني بلکې د نورو هېوادونو د پانګوالو لپاره د پانګونې زمینه برابره شي.
د هرات ـ خواف د رېل پټلۍ چې د یوې برخې جوړولو چارې یې د ایران او د پاتې هغې جوړولو مسوولیت یې د افغانستان په غاړه دي.
مسولان وایي د دی په بشپړېدو سره به افغانستان د عراق رېل شبکې له لارې له مرکزي اسیا سره هم وتړل شي.