روغ او صفا غاښونه د یو انسان په صحت او ښکلا کې ډېر زیات مهم رول لري، که د یو انسان غاښونه روغ وي نو دغه انسان به له ډېرو ناروغیو خلاص وي.

د یو رپوټ له مخې په نړۍ کې په ۳ کسانو کې یو کس هم خپل غاښونه په پوره ډول نه صفا کوي او که صفا یې هم کړي، د صفایۍ په طریقه یې سم نه پوهېږي.

لومړی: د غاښونو د صفایۍ برش باید ضرور په ۳ میاشتو کې دننه بدل کړئ شي، د دې ترڅنګ د غاښونو درې واړه طرفونه باید پاک شي، ځکه دا ډول صفایي د غاښونو څخه ټول د خوراک پاتې شوي ذرات له مینځه وړي.

دوهم: د غاښونو کریم او برش باید د ۴۵ سانتي ګرېد درجو حرارت کې کېښودل شي.

درېم: د لسو دقیقو څخه زیات ژاولو ژول هم د انسان غاښونو ته تاوان اړوي، ځکه د زیات وخت له پاره د ژاولو ژولو سره د ژاولو وړې ذرې په غاښونو کې پاتې کېږي او بله دا چې د ژاولو د زیاتو ژولو سره د معدې تېزاب په حرکت راځي چې دغه تېزاب د شیانو په هضم کې ډېره مرسته کوي.

څلورم: د اتو توتیو(سترابېري یا توت زمیني)اوبو او نیمې وړې کاشوغې دوړو سوډا څخه یو محلول جوړ کړئ او بیا ورباندې غاښونه پاک کړئ.

زیاتره خلک خپل غاښونه سهار صفا کوي، خو د دې ترڅنګ باید غاښونه د خوراک کولو څخه وروسته او په خاص ډول د خوږو خوړو څخه وروسته ضرور پاک کړو، ځکه هم به مو خپل غاښونه د چينجنېدو ساتلي وي او هم به صفا وي.

ضرور ده چې خپل غاښونه په ۲۴ ساعتونو کې درې وارې صفا کړو د دې تر څنګ د خولې څخه د بد بوی د تلو د مخنيوي له پاره باید د خپلې ژبې د صفایۍ هم پوره پوره خیال وساتو.