تاند، پنجشنبه، د سرطان ۵مه: امریکا ادعا کړې چې ایران په خپله خاوره کې القاعده ته د فعالیت زمینه برابره کړې او افغانستان او سوریې ته یې د نه یوازې پيسې بلکې ترهګر هم استولې دي.
د امریکا د ترهګرۍ اړوند کلنی راپور وايي، ایران له ۲۰۰۹ کال راهیسې په خپله خاوره کې القاعدې ته د کانالونو د چلولو اجازه ورکړې او اوس دا ډله جنوبي اسیا او سوریې ته پيسې او جنګیالي له تهران څخه استوي.
راپور کې ایران د حزب الله، فلسطیني وسله والو ډالو، عراق، منځني ختیځ او سوریه کې د ترهګرو ډلو او اسلامي انقلابي ګارد د حمایې له کبله د نړۍ تر ټولو بدتر د ترهګرو ملاتړ کوونکی هیواد بلل شوی دی.
په راپور کې د پاکستان په اړه هم ځانګړې یادونه شوې ده چې تاند په دې تړاو نن سهار راپور هم درلود.