۱- هغه څه مه اخلئ چې تاسو یې غواړئ، هغه څه واخلئ چې ورته اړتیا لرئ.
۲- د هر څه اخيستلو لپاره ژر پرېکړه مه کوئ.
یو ځلې ښار وګورئ، کېدای شي د ۵۰۰ افغانیو شي به زر افغانۍ واخلئ.
وروسته د نرخونو له پرتله کولو بیا خپله سودا وکړئ.
۳- په چنې وهلو مه شرمېږئ، د چنې وهلو سره کولی شئ چې خپلې لږې پیسې وسپموئ.
او په یاد ولرئ چې شتمن خلک تل چنې وهي.
۴- د خپل میاشتني معاش څخه یو برخه وسپموئ، که دغه برخه کمه هم وي(د هېڅ څخه همدا کمه برخه هم ښه ده).
۵- هر څه چې اخلئ، په یوه کتابچه کې يې ولیکئ.
جالبه ده د میاشت په پای کې به وخاندئ چې څه غیر ضروري شیان مو اخېستي دي.
۶- په موبایل کې خبرې کول را لنډ کړئ.
شاید اړتیا نه وي د یو اوږد روغبړ څخه وروسته پوښتنه وکړئ: نور څنګه یې؟
۷- په مېلمستیاوو کې لږ خواړه پاخه کړئ، څه اړتیا ده چې په هره مېلمستیا کې دسترخوان دومره ډک کړو چې د یو ستنې ځای هم په کې تش نه وي؟
۸- همدا نن یې پیل کړئ.
د تاوان مخه چې هر وخت ونیسئ په پای کې يې درته فایده رسېږي.
ژباړه: محمد اسلم رشیدي