اسدالله خالد د خان جنت المقام شهید عالم خان خالد د درانه خاندان او دسترخوان یوازینی د ستاردرلودونکی دی . موږ د یوې سیمې او یوه دیار خلک یو. د خالد وطن پرستانه حس به اکثره وخت زما د امیدونو دنیا اباده او ښاده ساتله، د دوو ملګرو په توګه مو د انډیوالي اړېکي درلودې. کله چې د یوه ځانمرګي برید په پاېله کې ټپي شو، نو زما پر روح اوهیلو هم د زخمونو کهکشان را ړنګ شو ، دا نظم د هماغو غمجنو شېبو شاهد دی.
قانع
زما د کیږدۍ مخ ته هوار پېڅول
لا پاتاخوانو ته هوار پروت دی
لا د شپانه شپیلۍ ګونګۍ غوندې ده
لا پر سندرو اژدهار پروت دی
د شپې په زړه کې سپېده داغ تم شوی
لا د تیارو خوله کي سهار پروت دی
لا د مرګونو ساندې ګوکي وهي
لاخونړی د قام پرهار پروت دی
کوم مومن خان به افعي مار ووژني
وطن په خوله کې د ښامار پروت دی
د جومات صف د وینو رنګ نیولی
د ناورین وږم پر مینار پروت دی
ما ویل ته به راته زیری راوړې
پنجاب په خپل دام کې مردار پروت دی
@ @ @
ماستاتندي کې عجب فال لوستلو
چې داباد د بګړۍ ول جوړشوی
څیرې ګرېوان د ادې بیا بخۍ شو
او د خورکۍ پرېشان وربل جوړشوی
ماضي د مرګ کوڅوکې سا ورکړې
د لمرپه غېږ کې مستقبل جوړشوی
د ساندو خوله د نغمو زور پټه کړه
د ژوند اهنګ لره غزل جوړشوی
خیبر دټولې اسیا سردار دی
لرپېښوراو بر کابل جوړشوی
د خوشحال روح پرتاتره را ګرزي
وايې چې وار مو پر مغل جوړشوی
نوردي یرغل پردې وطن نه کیږي
اوس د افغان د پت مورچل جوړشوی
خو
زه دي څېره کې اوس فال نه ګورمه
ستا په څېره زخمونو کورجوړکړی
د لمبو رنګ دي په پرهرګډ شوی
لکه ګلاب ته چې چا اورجوړکړی
زموږ نصیب خوداسی تورهم نه وو
داخوارنصیب راته چاتورجوړکړی
ستاهر پرهار د دې وطن پرهار شو
خو دښمن جشن پرلاهور جوړکړی
زه د وطن فرهنګ کې فال ګورمه
په دې لنډۍ کې یې انځورجوړشوی
د زړه له څړیکو مي رنګونه اخلي
او هر یو درد ته مي ټکور جوړشوی
داچې :
سخته رنځوره خدای دې جوړکړه
درتګ مي نشته دعا کور درته کوومه
ملی امنیت ددوهم ځل لپاره باید اسدالله خالدته پریښودل شي
We love with asad Ullah Khalid I hope he will be fine very soon
And we pray for him in all 5 time he is really a good afghan
I hope he will come back to his job .
ډیر ښایسته قانع صاحب
مخامخ جی می صفت کری یار می نه یی