تاند/ دوشنبه د تلې ـ میزان ۶مه/ د هند کرېکټ ملي لوبډلې زړور توپوهونکي ویرات کوهلي په یو ورځنیو نړیوالو لوبو کې د ۱۵زره منډو په بشپړولو سره یو بل مهم پړاو ته رسېدلی.
کوهلي خپلې ۱۵ زره منډې په ۳۱۵ یو ورځنیو لوبو کې بشپړې کړې او تر دې دمه یې په دې فارمټ کې ۵۴ سلیزې هم وهلې دي.
نوموړي په ټول نړیوال کرېکټ کې د سلیزو شمېر ۸۶ ته رسولی دی.
ویرات کوهلي له ټېسټ او شل اوریز نړیوال کرېکټ څخه استعفا کړې او اوس یوازې په یو ورځنیو لوبو کې د هند استازیتوب کوي.
د هغه په اړه اټکل کېږي چې د ۲۰۲۷ کال نړیوال جام ښايي په نړیوال کرېکټ کې د نوموړي وروستۍ نړیواله سیالي وي.