تاند (جمعه، د غويي/ ثور ۲۵ مه) د افغانستان تکړه ال راونډر او د نړۍ لومړی درجه ال راونډر عظمت الله عمرزي تېره شپه (پنجشنبه) د هند په غوره لیګ کې په خپله لومړنۍ لوبه کې یوازې په ۱۷ توپونو ۳۸ منډې وکړې او په توپ اچونه کې یې ۲ لوبغاړي وسوځول.
عمرزی، چې د پنجاب کینګز لوبډلې ته لوبېده، ۴ شپږیزې او دوې ځلوریزې وکړې.
که څه هم په دې سیالۍ کې مومبی انډینز په ۶ ویکټونو او یوه رنز پنجاب کینګز ته ماتې ورکړه، خو عمرزي په ۴ اورونو کې د ۳۶ منډو د ورکولو ترڅنګ د سیالې لوبډلې دوه مهم لوبغاړي وسوځول.
د مومبي انډینز په ۴ سوځول شویو لوبغاړو کې عمرزي دوه لوبغاړي وسوځول او په عین حال کې یې تر ټولو په کمو توپونو ډېرې منډې وکړې.
دې لوبې به د عمرزري په اړه د پنجاب کینګز نظر بدل کړی وي چې ولې یې تراوسه هغه ته فرصت نه و ورکړی.
حاضردمه پنجاب کینګز د هند د غوره لیګ سیالیو په جدول کې څلورم ځای لري.