تاند (د عزیزي ګروپ او د افغانستان د برښنا شرکت ترمنځ له لمر او سکرو څخه د برېښنا د پنځو تولیدي پروژو د عملي چارو د پیل قرارداد لاسلیک شو.
د افغانستان برښنا شرکت رییس عبدالحق همکار وویل، دا پروژې د هېواد د برېښنا د تولید د ظرفیت د لوړولو لپاره یو مهم ګام دی. د هغه په وینا، د یادو پروژو ټولیز ظرفیت ۸۴۵ مېګاواټه دی او پرې شاوخوا ۴۶۳ میلیون ډالر لګښت راځي.
همکار زیاته کړه چې د دغو پروژو له پلي کېدو سره به زرګونو کسانو ته په مستقیم او غیرمستقیم ډول د کار زمینه برابره شي. هغه وویل: «دچهارشنبې، د سلواغې/ دلوې ۲۲ مه) دغو پروژو ظرفیت له ګاونډیو هېوادونو څخه د واردېدونکې برېښنا هومره دی.»
په یادو پروژو کې د نغلو د ۱۰۰ مېګاواټه لمریزې برېښنا تولید پروژه، د پروان په باریکآب کې د ۱۰۰ مېګاواټه لمریزې برېښنا تولید، په غزني کې د ۱۳۰ مېګاواټه لمریزې برېښنا تولید، په بغلان کې د سکرو له سرچینې د ۳۵۰ مېګاواټه برېښنا تولید او په تخار کې د سکرو له لارې د ۱۶۵ مېګاواټه برېښنا تولید شامل دي، چې د عملي چارو قراردادونه یې نن لاسلیک شول.
په همدې مراسمو کې د اوبو او انرژۍ او همداراز د کانونو او پټرولیم وزیرانو وویل چې له بېلابېلو سرچینو څخه د برېښنا تولید د صنعت او اقتصادي ودې لپاره بنیادي ارزښت لري. هغوی ټینګار وکړ چې امارت د هېواد د ځانبسیاینې په هدف د کورنیو او بهرنیو پانګهوالو ملاتړ کوي.
د کانونو او پټرولیم وزیر هدایتالله بدري وویل: «موږ له نورو پانګهوالو غواړو چې د تېلو او ګازو د کانونو په کشف او استخراج کې پانګونه وکړي، ځکه افغانستان شتمنې زیرمې لري چې د سم مدیریت په صورت کې د هېواد اړتیاوې پوره کولای شي.»
د اوبو او انرژۍ وزیر محمد یونس اخوندزاده بیا وویل چې یاد وزارت د افغانستان د ځانبسیاینې لپاره له ټولو پانګهوالو او سوداګرو سره د همکارۍ لپاره چمتو دی.
بلخوا، د عزیزی ګروپ عمومي رییس د دې قراردادونو لاسلیک د هېواد د انرژۍ د خپلواکۍ پر لور مهم ګام وباله. هغه وویل چې شپږ میاشتې وړاندې یې د لس زره مېګاواټه برېښنا د تولید هوکړهلیک لاسلیک کړی و او اوس د نوو پروژو په پیل سره دغه ژمنې عملي بڼه اخلي.
نوموړي زیاته کړه: «په نژدې دوو یا دریو میاشتو کې به د نورو پروژو موافقې هم لاسلیک شي، چې تر دوه زره مېګاواټه پورې د برېښنا تولید پکې شامل دی. زموږ موخه دا ده چې د کال تر پایه له شپږو تر اوو زرو مېګاواټه برېښنا تولید ته ورسېږو.»
د شرکت مسوولانو وویل چې د سکرو د دوو برېښناکوټونو لپاره اړین تجهیزات لا دمخه اخیستل شوي او د نورو پروژو د پیل لپاره چمتووالی روان دی. عزیزی همداډول د ټاپي پروژې په چوکاټ کې د درې زره مېګاواټه برېښنا د تولید لپاره د یاد شرکت لېوالتیا څرګنده کړه او ویې ویل چې د شرایطو په برابرېدو سره به د تولید چارې ژر پیل کړي.