تاند (یکشنبه، د سلواغې/ دلوې ۱۳مه) د افغانستان د فوټسال ملي لوبډله د آسيايي ملتونو جام د سياليو په لړ کې نن (یکشنبې) د ايران د ملي لوبډلې پر وړاندې میدان ته وځي.
دا په داسې حال کې ده چې د افغانستان د فوتسال ملي لوبډلې د جمعې په ورځ مالېزيا ته ۷–۰ ستره ماته ورکړه او بل پړاو ته يې لاره وموندله.
ايران او افغانستان دواړو د سعودي او مالېزيا د لوبډلو په ماتولو سره شپږ شپږ امتيازونه ترلاسه کړي دي.
د يکشنبې د ورځې لوبه به د څلورم ګروپ د سر مقام لپاره ترسره شي.