تاند ( دوشنبه د تلې – میزان ۱۴مه) د اندونیزیا په «جاوا» ولایت کې د یو ښوونځي د چت نړېدو له امله ۵۰ زدهکوونکي مړه او ۱۳ نور لادرکه دي.
رویټرز خبري آژانس په یوه راپور کې ویلي چې دا پېښه د ودانۍ د غیرمعیاري جوړېدو له امله رامنځته شوې او په قربانیانو کې ډېری یې تنکي ځوانان دي.
د یاد اژانس په راپور کې د اندونیزیايي چارواکو په حواله ویل شوي، چې هلته لا هم د ژغورنې عملیات روان دي او تر دې دمه ۸۰ سلنه خاوره پلټل شوې ده.
د ویلو ده چې دا پېښه د «الخزیني» په نوم ښوونځي کې شوې او تر ټولو خونړۍ بلل شوې ده.
د راپورونو له مخې، ښایي د مړو شمېر زیات شي.