تاند (جمعه، د تلې/ میزان ۴ مه) د بلوچستان اعلی وزیر سرفراز بوګټي ادعا کړې چې د ده په وینا په افغانستان کې دېره «ترهګر» د طالبانو په ملاتړ د پاکستان پر ضد بریدونه ترسره کوي.
بوګټي پرون (پنجشنبې) په اسلاماباد کې یوې خبري غونډې ته وویل چې په وروستیو میاشتو کې د بلوچستان امنیتي وضعیت خراب شوی او وسلهوالې ډلې، په ځانګړي ډول د بلوچستان د آزادۍ پوځ، په نوو تاکتیکونو پر امنیتي ځواکونو مخامخبریدونه کوي او تر پخوا یې د بریدونو کچه زیاته کړې ده.
هغه ټینګار وکړ چې د وروستیو وژل شويو ترهګرو ډېری یې د افغانستان وګړي وو او طالبانو ورته «خوندي پټنځایونه او د روزنې کمپونه» برابر کړي دي.
د پاکستان حکومت او پوځ پخوا ایران د بلوچستان د بېلتون غوښتونکو په ملاتړ تورناوه خو وروسته له هغه چې د یو بل د مخالفو بلوچو جنګیالیو پر سر د دوو هیوادونو اړیکې ترینګلې شوې او دواړو د یو پر خاوره بریدونه وکړل، نه ایران او نه پاکستان یو بل د بلوچو ډلو په ملاتړ تورنوي. پاکستان د ایران پر ځای اوس دا تور په طالبانو پورې کوي.
د بلوچستان اعلي وزیر له طالبانو وغوښتل چې د دوحې تړون ته ژمن پاتې شي. په دغه تړون کې طالبانو ژمنه کړې چې د افغانستان خاوره به د بل هېڅ هېواد پر ضد نه کارول کېږي. طالبانو په ځلونو د پاکستان تورونه رد کړي او ویلي یې دي چې هیچا ته اجازه نه ورکوي چې د افغانستان له خاورې پر بل هیواد د برید لپاره کار واخلي.
طالبانو له پاکستانه غوښتي چې خپلې ستونزې په خپله خاوره کې حل کړي.
د راپورونو له مخې، په خیبرپښتونخوا او بلوچستان ایالتونو کې د پوځ او نورو امنیتي ځواکونو لپاره امنیتي وضعیت ورځ تر بلې خرابېږي.
ای لعنتي خنزیره ! ته نه ضمیر لرې نه غرور بلوڅ اتلان جنګیږي د ازادي لپاره ته د جناح فرنګي په غیږه کې چړچې کوې. وخت راځي تا به همدغه پنجابی مردار کړي. 👎😡