تاند【شنبه د حمل ـ وري ۲۳مه】پاکستان د اپریل له لومړۍ نېټې تر اوسه په شاوخوا ۱۲ ورځو کې ۲۹زره ۷۴۴ هغه کډوال په جبري ډول بېرته افغانستان ته استولي، چې د دوی په وینا ناقانونه وو.
د پاکستان حکومت دې کډوالو ته د مارچ تر ۳۱مې وخت ورکړی و چې په خپله خوښه له پاکستانه ووځي.
بل لورته د پاکستان له حکومته شکایتونه کېږيو.چې له کډوالو سره تاوتریخوالی او له سپکاوي ډک چلند کوي او مالونه او شتمنۍ یې ایساروي.
د کډوالو ملاتړ سازمانونه له افغان کډوالو سره د پاکستان د حکومت چلند غندي او دا ظالمانه بولي.
د ملگرو ملتونو کډوالو اداره وایي چې لا هم په پاکستان کې څه باندې ۱ ملیون او ۳۰۰ زره افغانان په قانوني ډول ژوند کوي.
دا په داسې حال کې ده، چې پاکستان کې د طالبانو سفارت ویلي، افغان سفیر سردار احمد شکېب د پاکستان لومړي وزیر سلاکار پروېز خټک سره کتلي دي.
سرچینې زیاته کړې چې په دې دې لیدنه کې په پاکستان کې د افغان کډوالو وضعیت، د کډوالو په اړه د پاکستان حکومت د وروستۍ پرېکړې او د دواړو هېوادونو د اړیکو لپاره په پایلو خبرې شوې دي.
سرچینه زیاتوي، چې دغه راز دواړه لورو د دوه اړخیزو اړیکو برخه کې د شته ستونزو په اړه هم خبرې کړي دي.