تاند (دوشنبه، د جدي/ مرغومي ۱۰ مه) په کابل کې د چین سفیر جاو شینګ، د دوشنبې په ورځ د طالبانو د کورنیو چارو له سرپرست وزیر سراج الدین حقاني سره وکتل او د واخان دهلیز په شمول یې د دوه اړخیزو موضوعاتو په اړه خبرې وکړې.
د کورنیو چارو وزارت د خبرپاڼې له مخې، دواړو خواوو د واخان دهلیز ستراتیژیک اهمیت، د سوداګریزو اړیکو ښه کولو، او د مسافر وړونکو الوتنو د پراختیا په اړه خبرې وکړې.
دوی همداراز د دوه اړخیزو همکاریو د ژورتیا پر اهمیت ټینګار وکاوه او د ګډو ګټو د پرمختګ لپاره یې د عملي ګامونو د اخیستلو اړتیا څرګنده کړه.
له بلې خوا، په بدخشان ولایت کې طالب چارواکو په واخان ولسوالۍ کې د پاکستاني ځواکونو د شتون راپورونه رد کړل.
د بدخشان د پولیسو ویندوی احسان الله کامګار باختر خبري آژانس ته ویلي، «په دې سیمه کې داسي راپور نه شته چې هلته د بهرنیو ځواکونو موجودیت تایید کړي.»
کامګار زیاته کړه چې افغان ځواکونه د پولو په اوږدو کې د هر ډول احتمالي ګواښونو د مخنیوي لپاره بشپړ چمتووالی لري.
واخان دهلیز د افغانستان د بدخشان ولایت یوه تنګه سیمه ده چې افغانستان د چین له سنکیانګ سیمې سره نښلوي. دغه دهلیز د تاجکستان د ګورنو-بدخشان د خپلواکې سیمې او د پاکستان د خیبر پښتونخوا ایالت او ګلګت- بلتستان سیمې ترمنځ پروت دی.
ځینو پاکستاني چارواکو مخکې ویلي و چې پاکستان باید دا سیمه ونیسي چې له منځنۍ اسیا سره په مستقیم ډول وصل شي.
داسې ښکاري چې بیناموسه او ابدي غلام طالب دا ځای وروسپاري.
داسې ویل کیږی چې د پآکستان د استخباراتو رئیس د تاجکستان له ولسمشر سره کتلی چې ددې کتلو انګیزه څه ده دا به وروسته څرګنده شي نو اوس کیداي شي پاکستان د تاجکستاني داعشیانو په ملتیا بله لوبه شروع کړی
وايي : چې په نوزاد کې مېړه نه شوې په بر نوزاد خونو بېخی منې که مېړه شې . تر اوسه چې پنچابيانو واخان ونه نيو د اوسني وسله وال اتل پوځ په شتون کې خو يې ګرد سره نه شي نیولای. ژوندی دي وي زموږ اتل وسله وال پوځ ، عبدالمالک همت.