تاند (جمعه، د مرغومي/ جدي ۷ مه) پاکستاني رسنیو نن راپور ورکړ چې د افغانستان لپاره د دغه هیواد پخوانی سفیر رستم شاه مومند وفات شوی دی.
د خیبرپښتونخوا والي فیصل کریم کونډي د ښاغلي مومند د مړینې خبر په ژور خپګان تایید کړ.
د ښاغلي مومند جنازه به نن په پېښور کې خاورو ته وسپارل شي.
رستم شاه مومند یو وتلی ډیپلوماټ او کارپوه و چې یوه موده په خیبرپښتونخوا کې د کمیشنر او دغه راز د افغانستان لپاره د سفیر په توګه دندې ترسره کړې دي
په ۲۰۰۰مو کلونو کې، د حامد کرزي د حکومت په پیل کې، هغه د کابل لپاره د پاکستان لومړی سفیر وټاکل شو.
د خپلې ډیپلوماټیکې دندې تر بشپړولو وروسته، مومند د افغانستان او سیمهییزو چارو د تحلیلګر او کارپوه په توګه خپله دنده دوامداره وساتله. ده د پاکستان او افغانستان ترمنځ د اړیکو په اړه خپل نظریات د مرکو او مقالو له لارې شریکول.