تاند ( یکشنبه د مرغومي/ جدي ۲مه) پنجشېر ولايت کې د طالبانو د حکومت د کانونو او پټروليم رياست خبر ورکړی، چې ډېر ژر به په دې ولايت کې د سرو زرو، یاقوتو او اوسپنې کانونو د استخراج چارې پيل شي.
پنجشېر کې د طالبانو د کانونو او پټروليم رئیس محمد قاسم اميري وایي، کانونو او پټروليم وزارت د دغو کانونو د استخراج د پيل لپاره سروې او لومړنی چمتووالى بشپړ کړى دى.
د امیري په خبره؛ د دغو کانونو له استخراج سره به د پنجشیر ولایت سلګونه اوسېدونکو ته د کار زمینه برابره شي.
نوموړی دغه راز زیاتوي، چې د کاري فرصتونو ترڅنګ به د دغو کانونو عاید دې ولایت کې د انکشافي او نیمه پراختیايي پروژو پر پلي کېدا ولګول شي.
افغانستان د طبي زیرمو له پلوه غني هېواد بلل کېږي او باور دا دی که د وخت حاکم نظامونه له دې سرچینو سالمه استفاده وکړي نو ژر به په ځان بسیا او د نورو له احتیاجه خلاص شي.