تاند ( شنبه د جدي ۱) د ملګرو ملتونو عمومي منشي انتونیو گوترش د مصنوعي ځیرکتیا له پراخېدو اندېښنه ښودلې ده.
ګوتریش ویلي، چې د مصنوعي ځیرکتیا پراخېده به په امنیتي برخه په ځانګړي ډول، حقوق بشر، انساني کرامت او د قانون په حاکمیت کې جدي انديښنې راپورته کړي.
نوموړي په خپل ایکس لیکلي: « پر مصنوعي ځیرکتیا به د یوې شېبې نه څار به هره لحظه مونږ او تاسې ټولو ته جدي اندېښنې متوجه کړي.»
د یادونې ده، چې پرون جمعه د لیندۍ ۳۰مه د امریکا د بهرنیو چارو وزیر انتونيوبلینکن هم د مصنوعي ځیرکتیا په اړه د ملګرو ملتونو د امنیت شورا غونډې ته په وینا کې خبرداری ورکړی وو، چې د مصنوعي ځیرکتیا ناسمه کارونه نړۍ والې سولې او امنیت ته جدي ګواښ پېښولی شي.
نوموړي زیاته کړې وه، چې د امریکا ولسمشر جو بایډن تېره نومبر میاشت کې له خپل چینایي سیال، شي جین پینګ سره کتنه کې ټینګار کړی و چې، اټومي وسلې باید یوازې د انسانانو له لوري کنټرول کړای شي.
بلېنکن دغه راز زیاته کړې وه، چې هکران کولی شي له دې لارې ویجاړوونکي سایبري بریدونه ترسره کړي.