تاند ( شنبه د جدي / ۱) د منځني ختيځ په چارو کې د امریکا لوړپوړې ډيپلوماټې باربارا لیف په دمشق کې د تحریر شام له رهبر سره تر ډيپلوماټيکو کتنو وروسته ویلي، هېواد یې پرېکړه کړې، چې پر احمد الشرع د لسو میلیونه ډالرو جایزه لرې کړي.
د رویټرز خبري آژانس د راپور لمږه مخې احمدالشرع په دغو لیدنو کې ژمنه کړې، چې ترهګرو ډلو ته به اجازه نه ورکوي د سوریې له خاورې نورو ته ګواښ پېښ کړي.
امریکا د هغو معلوماتو په بدل کې چې د احمدالشرع د نیولو سبب شي، لس میلیونه ډالر جایزه اعلان کړې وه.
امریکا دا پرېکړه داسې مهال اعلانوي، چې پرون جمعه
په منځني ختیځ کې د امریکا د بهرنیو چارو لوړپوړی چارواکی باربارا لیف د یوه پلاوي په مشري دمشق ته سره د خبرو لپاره تللی وو.
امریکایي چارواکو ویلي وو، په هغه صورت کې چې تحریرالشام د «ټول ګډونه حکومت» او امنیت خوندیتوب کې خپله ژمنه په عمل کې ثابته کړي نو امریکا به یې د ترهګرو ډلو له نوملړ نه وباسي او پر سوریه به لګېدلي بندیزونه لرې کړي.