تاند ( شنبه، د سنبلې ۲۴مه) طالبان په دایکندي ولایت کې پر عامو خلکو د داعش وسله وال برید یو وحشیانه عمل بللی او زیاته کړې یې ده چې دوی هم د دې پېښې د عاملینو د نیولو په هڅه کې دي څو د عدالت منګولو ته یې وسپاري.
د طالبانو د حکومت ویاند ذبیح الله مجاهد جمعه ناوخته په خپله ایکس پاڼه لیکلي چې طالبان د ملت د ځان او مال ساتنه خپل مکلفیت ګڼي او زیاتوي چې د دې پېښې د عاملینو هڅې راونې دي او ژر به د عدالت منګولو ته وسپارل شي.
په دایکندي کې پر عامو خلکو د داعش وسله وال برید کې ۱۴ تنه ووژل شول او ۶ تنه نور ټپيان شول. داعش وسله والې ډلې د دې برید مسوولیت منلی دی.
دې برید زیات غبرګونونه راوپارول خو طالبانو یوه شپه او ورځ وروسته دا برید وغنده.
«یوناما» هم د جمعې په ورځ په یوه خبرپاڼه کې دا برید غندلی او د وژل شویو کورنیو ته یې د تسلیت ترڅنګ له طالبانو غوښتي چې د دې پېښې څېړنه وکړي.
امریکا د القاعده د غړي الغامدي د نیولو لپاره جایزه اعلان کړه