تاند (جمعه، د سنبلې ۱۶ مه) په پاکستان کې د ناامنیو په دوام کې د دولت وسله والو مخالفانو د مومند ولسوالۍ (پخوانۍ قبایلي ایجنسي) په مرکز غلنۍ کې د ملېشه ځواک پر اډه برید کړی دی.
ځايي اوسیدونکي وايي چې په اډه کې یې د پر له پسې چاودنو او ډزو غږونه اورېدلي او د اور لمبې ورڅخه پورته کېږي.
د پاکستان امنیتي چارواکو تراوسه پورې د مرګ ژوبلو په اړه څه نه دي ویلي.
خو ټي ټي پي ویلي چې دوی نن سهار وختي د پوځ پر یوه لوی مرکز برید کړی دی.
د سیمې اوسیدونکو ځینو رسنیو ته ویلي چې سهار شاوخوا ۴ بجې ډزې او چاودنې بیل شوې چې لا هم روانې دي.