تاند (۴ شنبه، د ثور ۱۲ مه) په براتانیا کې د یوې خیریه موسسې افغان موسس او ټولنیز فعال فهیم ځاځي، د دغه هېواد یو مهم سلطنتي مډال ګټلی.
د دغه مډال ترلاسه کولو سره نوموړي « د برېتانیا د امپراتورۍ غړی» لقب هم ترلاسه کړی.
ښاغلي ځاځي ته دغه مډال، د ټولنیزو خدمتونو په درناوي یې د انګلستان د پاچا له لوري ورکړل شوی.
ځاځي، د افغانستان په ملي لباس کې د نوموړې جایزې له ترلاسه کولو وروسته په خپله فیسبوک پاڼه کې لیکلي، چې د دې جایزې په لاسته راوړلو ویاړي.
یو شمېر افغانانو، د نوموړي په دې لاسته راوړنې خوښي ښودلې او ویلي، چې نور بهر مېشتي افغانان دې هم په داسې لاسته راوړنو د خپل هېواد او ملت نوم هسک کړي.
سلامونه،
دځاځي صیب په سلطنتي مډال ګټلو خو پوه شولو، مبارک !
خو ،دا د ((د بریتانیا د امپراطورۍ د غړي لقب ))هم تر لاسه کړی !!یعنې څه؟؟
آیا د بریتانیا امپراتوري چې افغانانو ۳ځلې ماته کړیوه ، لا هم وجود لري؟؟؟
خپله انسان د الهی خلقت یو ستر او حیرانوونکی ( د احسن خالق) شهکار دی، همداسی د نننی او پرونی تجربی او اجتماعی علومو غوَړوالی هم د بشر یو ستر شهکار دی. د بشری مختلفو ټولنو د ښکلو لباسونو او جامو څرنګوالی هم یو بشری شهکار ګڼل کیږی.
بناً د افغانانو او پښتنو لباس لا څه چی حتی د ټولی نړی د پرګنو ډول ډول لباسونه د پاملرنی او توصیف وړ دی.
لنګوټه یا بګړی یا دستار ( یا هر څه چی وبلل سی ) زموږ د نیکونو او اجدادو د ملی لباس یوه برخه ده
خو
خبره دا ده چی کله یو لباس د اشرافیت او تکبر په اور تود سی نو هغه لباس توره بڼه اخلی که څه هم ظاهراً د ملی لباس برخه وی.
څو ویشت کلونه مخکی د انګریز اوسنی باچا پیښور ته رسمی ( په حقیقت کی تلبیسی ) سفر درلود.
په هوائی ډګر کی د مرکزی او صوبائی مقاماتو تر څنګ یو څو د پیښور د پښتنو مخورو مشرانو هم د انګریز د ارمونی شهزاده د ښه راغلی په مراسمو کی ګډون کړی ؤ، دی پښتنو مشرانو کلکی او یخی ږیری او اُتو کړی لونګیانی پر سرونو ایښی وی کومی چی تر ځړیدلو شملو ئی د آنتن برخه ډیره او جګه او شَخه وه.باور مو وسه کله چی می دا ویډیوئی صحنه ولیده د لنګوټی سره می حساسیت پیدا کړ او د پیښور د پښتون قام هغه باټی او لافی او ادعا چی یو وخت ئی د انګریز په وړاندی د جهاد ویاړ پلورئ، را ته په ټوکو بدله سوه.
نو خبره می دا ده چی دا ځاځی زما زوی کوم چی د شیطانت او تلبیس د سفیر ( سلطنتی کورنۍ ) په وړاندی ولاړ او د خدمت! د مکافات مډال تر لاسه کوی د سختو پوښتنو وړ دی.
جالبه ده، همدا انګریز او نور ټول غربی استعمارګر دولتمردان د فلسطینی نسل وژنی د ادامی شا ته ولاړ او د نسل وژنی سره مرسته کوی او همدارنګه د افغانانو د لوږی او مُفلسۍ او ناروغیو په وړاندی بی تفاوت دی نو ځاځی ماځی ته ئی د مډال ډالی فقط او فقط د غُل افغان ( غُل روشنفکر ) د تیرایستنی په موخه یوه شیطانی سناریو ده او بس.
بناً
د ځاځی غوندی کسانو کلکه لونګی هومره د کرکی او نفرت وړ ده لکه د یو افغان مارکسیسټ او لیننیسټ او سټالینیسټ او مائوئیسټ او غربی لیبرال او غربی مزاج روشنفکر آتشین سکولر کلکه نیکټائی چی د کرکی وړ ده.
ښاغلي ځاځي تاسوته دد ميډال مباربي وايم دکندياريانو په ژبه د مور شيدي سه.
دا به ډیره ناځواني او بې انصافي وئ چې، د ځاځي صاحب لاسته راوړنه و نه ستایل سئ. ځاځي صاحب ته دی ډیر ډیر مبارک وئ. عادتآ مونږ افغانان د بل افغان پرمختګ نشو زغملي او خامخا د منفي زاویه یې ارزیابي کوو. ځاځي صاحب په بریتانیا کې ژوند کوي، او د هغوې د امکاناتو له لارې خپلو افغانانو او بشریت سره مرسته کوئ. انګریز په افغانستان کې د ولسمشرانو او وزیرانو په سویه خلک لرئ. د متقی صاحب مشاور او ترجمان هم د انګریز تابعیت لرئ. چا سره بحث کول نه غواړم یوازې خپل نظر شریکوم. ای کاش مونږ افغانان د یو او بل په پرمختګ خوشحالیدئ.
د هر هغه چا دی مخ تور سی کوم چی د خپل وطندار او افغان او مسلمان ورور په ښه ورځ خپه کیږی خو خبره د انګریز د سلطنتی شیطانی کورنی په شیطنت کی ده نه ممکن د ځاځی په فعالیتونو کی.
تر څو چی موږ انګریز نه وی پیژندلی نو د ځان د پیژندو توان به هم را نه سلب وی.
زموږ اکثره ځوانان او زاړه کسان دا تریخ واقعیت نه منی چی انګریز له یوې خوا لګیاء ؤ او لګیاء دی چی د خپلو شپوږنو مزدرانو پلاس زموږ مکتوبه را سوځی او له بلی خوا ئی پښتنې! ملالې یوسفزی ته د مکتب د دفاع د مبارزی پخاطر کاذب شهرت ورکړ( البته دا ټکی می فقط د یو مثال پتوګه بیان کړ ).