تاند (سې شنبه، د حوږت ۱۵ مه) د پاکستان تر واک لاندې څلور واړو ایالتونو کې د پښتونخوا ملي عوامي ګوند د مشر محمود خان اڅکزي پر کور د چاپې خلاف اعتراضیه لاریونونه شوي.
اڅکزی، چې تازه یې د پاکستان د پخواني صدراعظم عمران خان په ملاتړ څرګندونې کړي او د هغه لخوا د ولسمشرۍ څوکۍ ته نوماند شوی، د پاکستان نوي صدراعظم شهباز شریف او د پیپلز ګوند مشر بلاول بوټو یې هم پر کور تر سره شوې چاپه غندلې او په اړه یې د پلټنې غوښتنه کړې ده.
دغه پښتون سیاستوال تر هغې وروسته، چې ولسمشرۍ ته د تحریک انصاف ګوند له لوري نوماند شو، په بلوچستان کې یې پر کور پاکستاني ځواکونو چاپه واچوله او د ګوند د سرچینو له مخې یې، د نوموړي یو ساتونکی یې ورسره یوړه .
ویل شوي، چې د چاپې پر وخت خپله اڅکزی په کور کې نه و.
پاکستاني حکومت د خپلې چاپې په اړه توضیحات ورکړي او اڅکزی یې د ځمکې په غصب تورن کړی.
ځایي چارواکو ادعا کړې، چې د چاپې پر مهال یې ځواکونو غصب شوې ځمکه له اڅکزي څخه بېرته را ګرځولې ده.
په دې اړه دلته لوستلی شئ:
د محمود خان اڅکزي پر کور د پاکستاني ځواکونو چاپه او د ځمکو په غصب یې تورنول – تاند (taand.net)