تاند (سې شنبه، د حوږت ۱۵ مه) د اروپا د احصایې اداره (یوروستت) وايي، د دې اتحادیې په غړیو هیوادونو کې ۵۴ سلنه تخصصي، حرفوي او مسلکي کارونه د ښځو په لاس کې دي.
د دې راپور له مخې، چې یورو ستت پرون (دوشنبې) پر خپله ویبپاڼه خپور کړ، په سلو کې ۳۵ ریاستونه او مدیریتونه هم د ښځو په لاس کې دي. همداراز د اروپايي اتحادیې په غړیو هیوادونو کې ۴۱ سلنه ساینسپوهان او انجینیران ښځې دي.
په راپور کې د تخنیک په اړه ویل شوي چې د اروپايي اتحادیې د ټولو ټکنېشنانو نیمايي ښځې دي.
د راپور پر اساس، په صنایعو (فابریکو) او د مونتاژ په کارځایونو کې د ښځو ونډه کمه ده.
بل سیکتور جې د ښځو ونډه پکې کمه ده هغه ترانسپورت دی. د اروپايي اتحادیې په غړیو هیوادونو کې د بسونو او درنو باري موټرو (کانتینرونو) ۴ سلنه چلوونکې ښځې دي.
په کارونو د ښځو بوختیا له یوی خوا ښځو ته روحی ځواک او اقتصادی خپلواکی ور بخښی خو له بلی خوا په ښځو کی د اولاد د زیږولو انګیزه کمزوری کوی، همدا علت دی چی اروپا ( ټول غرب ) د نسل د ډیرښت د بحران سره مخامخ دی.
البته منظور می د نسل د کمښت بحران دی.