تاند (سې شنبه، د دلوې ۱۰ مه) د ملګرو ملتونو د ماشومانو ملاتړ صندوق (یونیسف) افغانستان د نړۍ په کچه پر چاودېدونکو تر ټولو ککړ هېواد اعلان کړ.
ویل شوي، چې تر دې مخکې هم په دې برخه کې افغانستان، همدغه مقام درلود.
د یونیسف ادارې په یوه اعلامیه کې ویلي چې د دغه وضعیت د بدلون لپاره په ۲۰۲۴ کال کې به ۳ میلیونه او ۶۰۰ زره افغان ماشومانو او ټولنو غړو ته د چاودېدونکو توکو په اړه پوهاوی ورکوي.
د سرچینې د معلوماتو له مخې، دغو زده کوونکو ته به وښودل شي چې څنګه له جګړو د پاتې شویو چاودېدونکو توکو څخه ځانونه وژغوري.
څه موده مخکې د طالبانو د رژیم چارواکو ویلي وو، چې د دوی له بیا واکمنیدو سره د ماین پاکونې له زیاتو موسسو سره هم بهرنۍ مرستې درېدلي او د موسسو کارونه کم شوي.
له دې سره، په افغانستان کې د بېوزلۍ او فقر شدت سبب شوی چې زیات ماشومان د زړو اوسپنو د موندلو په هیله ناچاوده توکي ومومي او د دغو توکیو چاودنې ورته مرګ ژوبله واړوي.