له څو ورځو راهیسې په پاکستان کې له یوه جومات سره د نرښځیانو د ګډیدو ویډیوګانې پر ټولنیزو رسنیو لاس په لاس کیږي او پراخ بحثونه پرې روان دي.
دا بحثونه، کابل ته د پاکستان د جمیعت علمای اسلام ګوند د مشر ملا فضل الرحمن له سفر سره لا زیات شوي.
فضل الرحمن د خپل دغه سفر پر مهال، په ضمني ډول د افغان نجونو پر زده کړو د طالبانو د رژیم بندیزونه توجیه کړي او په فلسطین کې روانې جګړې ته په اشارې یې ویلي، چې هلته مسلمانان وژل کیږي او دلته د نجونو د زده کړو پر موضوع نیوکې دي.
د فضل الرحمن منتقدانو ویلي، چې هغه په دې توګه د افغانانو د ذهنونو د منحرفولو او د نجونو د زده کړو د ځنډ مسئله عادي ښودل غواړي.
دوی تر ډېره د پاکستان یوه جومات سره د نرښځیانو د ګډیدو ویډیو خپره کړې او هغه ته یې په خطاب کې لیکلي، چې ولې د داسې کړنو پر وړاندې غږ نه پورته کوي؟
ویډیو څه کیسه لري؟
د پښتونخوا د کواټ د دره ادم خېل یوه پولیس مشر اسد خان ویلي، چې دا ویډیو د دوی د کاري مسوولیت له سیمې سره تړاو لري.
د هغه په وینا، هلته د واده په مراسمو کې یو شمېر خلکو د جومات مخې ته نرښځې، یا ایجړا ګان ګډولي، چې اوس دوی پرې د مذهب د سپکاوي قضیه درج کړې .
د پولیس مقام په غبرګون کې یوه نرښځي، چې ویډیو کې د ګډا پر وخت لیدل کیږي، ویلي چې دوی د جومات مخې ته نه؛ بلکې یوه حجره کې ګډا کړې، خو ویډیو یې جعل کاري شوې ده.
پاکستان کې د ودونو او خوښیو پر مهال او له دې پرته هم په ښار وبازار کې د نر ښځو یا ایجرا ګانو ګډول یو عام رواج دی.
د دغه هېواد په پارلماني ټاکنو کې، چې اوس ځنډول شوي، یو شمېر نرښځیانو د وکالت لپاره هم ځانونه نوماندان کړي وو.
په پاکستان کې دا ډول مسایل عام دي هغه کسان چې څه وخت یې هلته تیر کړی وي ددغه ډول ډیرو پیښو شاهدان دی د لاهور په مشهور جومات کې د یوې پیښي شاهده زه هم یم چې د یوې ډرامې د ثبت پر مهال یوه نڅاګره په یاد جومات نڅیدله دهغه ځای په مطبو عاتو تر ډیرو ورځو په دی بحثونه کیدل ، یو بل وخت مې په ورځپاڼه کې ولوستل چې د کراچي د (کلفټن ) د سیمي بد لمنو ښځو ته يې ورکشاپ دا یر کړی و او ددوي د مسلک اړوند یې ورته تد ریس ورکاوه ( کلفټن ) او (ډفینس ) سیمې څنګ پر څنګ او د کراچې د سوداګرو او مالدارو خلګو کورونه پکښې اباد دی