تاند (شنبه، د جدي ۱۶ مه) د کابل ښار په لویدیزه سیمه دشت برچي کې نن یوې چاودنې لږ ترلږه د طالب چارواکو له قوله، ۳ عام وګړي وژلي او ۱۴ نور یې ټپیان کړي دي.
په کابل کې د طالبانو د امنیې قومندانۍ ویاند خالد ځدراڼ د دغو ارقامو له خپرولو سره ویلي چې چاودنه د ملکیانو پر یوه موټر شوې ده.
هغه په دې اړه نور جزیات نه دي ورکړي.
د پېښې مسوولیت هم کومې ډلې پر غاړه نه دی اخیستی.
معمولاً داعش ډله په دغو شیعه مېشتو سیموکې د نا امنیو او وژنو پېښو مسوولیت مني.
دا له څه موده ځنډ وروسته کابل کې پر ملکیانو خونړۍ پېښه ده.