تاند (شنبه، د جدي دویمه) د پاکستان سترې محکمې د دولتي رازونو د افشا کولو په قضیه کې د پخواني صدراعظم عمران خان او د هغه د بهرنیو چارو د وزیر شاه محمود قریشي د په ضمانت خوشې کېدو غوښتنه تایید کړې ده.
د دوی مدافع وکیل ویلي، نه پوهیږي چې د تحریک انصاف ګوند دا دوه مشران به خوشې شي کنه؟
پر دوی ځینې نور جدي تورونه هم لګول شوي چې د بندي کېدو سبب شوی یې دی.
دا په داسې حال کې ده چې د پاکستان پارلماني ټاکنې را نږدې دي او عمران خان او قریشي دواړه پکې له ګډونه منع شوي.
عمران خان ته تر پنځو کلونو له سیاسته د لیرې والي امر هم شوی دی.
هغه له دې سره- سره هڅه کوي چې خپل پلویان ټاکنو ته نوماندان او واکمن مسلم لیګ نواز او نور مخالف ګوندونه وننګوي.
عمران خان د پاکستان په ځوان نسل کې د پام وړ نفوذ څخه برخمن ګڼل کېږي.
له دې سره، مخالفان یې دی ناکام او په فساد تورن بولي، خو ځینې کتونکي باور لري چې له پوځ سره د هغه ورانیدل له واکه د ده د ایسته کېدو او اوسني وضعیت سبب شوی.
څارونکي اټکل کوي چې په پاکستان او د پوځ په ګډون نورو بنسټونو کې یې د خان د پام وړ اغېز به د هغه د منزوي ساتلو هڅې په ګډوډیو ځواب کړي.
د خان یوه ناکامي دغه وه چي د افغانانو سره یې خپله خواخوږي ښکاره کړه او دفوج سیاسي شیطانت یې افشاء کوی.