تاند (سې شنبه، د قوس ۲۱ مه) د پاکستان مرکزي بانک (سټېټ بنک) وايي، چې په روان مالي کال کې، په لومړیو څلور میاشتو کې، افغانستان ته د پاکستان صادرات د تېر مالي کال د ورته مودې پرتله څه باندې دوه نیم سلنه زیات شوي دي.
دغه بانک په خپل راپور کې ویلي چې له جولای څخه تر اکتوبر پورې افغانستان ته د پاکستان صادرات ۱۸۶،۷ میلیون ډالرو ته رسیږي، حال دا چې د تېر کال په ورته موده کې ۱۷۶،۲ میلیون ډالره وو.
د پاکستان د مرکزي بانک د راپور پر اساس، له جولای څخه تر اکتوبر پورې پاکستان ته د افغانستان صادرات ۸۱، ۳۰ سلنه کم شوي دي.
پاکستان په یاده موده کې په ځلونو د افغانستان پر صادراتي مالونو خپلې لارې بندې کړي دي.
وچه او تازه مېوه او سکاره پاکستان ته د افغانستان مهم صادراتي اقلام دي. په وروستیو کې له افغانستان څخه پاکستان ته د سکرو صادرات هم کم شوي دي.
افغانستان له پاکستان څخه سمینټ، پلاستیک، پلاستیکي وسایل، ټوکر، درمل او د لوبو وسایل ډېر واردوي.
خو له دې سره سره له پاکستان څخه د پخوا کلونو پرتله د افغانستان واردات کم شوي دي. پخوا افغانستان د کال د ۳ میلیارد ډالرو واردات لرل.
د نړیوال بانک د راپور له مخې، افغانستان په وارداتو کې د پاکستان ونډه ۱۸ سلنه ده. افغانستان تر ټولو ډېر واردات له ایران او بیا چین څخه کوي.
ګومان کېږي چې د واخان لارې د جوړېدو په صورت کې به له پاکستان څخه د افغانستان واردات لا کم شي.
لعنت په غلام طالب ټولې لارې د بندي کړي ددوۍ ډیران ټول زهر دي. 😡خپلو ته اجازه ورکوي د افغانستان مالونه په پوله کې ورستیږي مرګ تف لعنت په کافرستان 😡🐖🤮