تاند (جمعه، د قوس ۳مه) د جرمني مشهورې موسسې GIZ په افغانستان کې د هغه څه له امله چې د طالبانو له لوري یې د خپلو ۴ کارکوونکو نیول کیدل بولي، د خپلو فعالیتونو د ودرولو خبر ورکړی.
یادې موسسې ویلي، دغه کارکوونکي یې طالبانو د جاسوسۍ په تور نیولي دي.
د موسسې د معلوماتو له مخې، نیول شوي کسان ۴ واړه افغانان دي.
یاده موسسه زیاتوي چې په افغانستان کې تر ۲۵۰ پورې کارکوونکي یې پر دندو بوخت وو.
د طالبانو رژیم په دې اړه کوم غبرګون نه دی ښودلی.
دغه جرمنۍ موسسه وایي چې طالبانو یې په تېر اکتوبر میاشت کې هم ۴ کارکوونکي په ورته تور نیولي وو، خو بیا یې د دوی په هڅو یبرته پرېښودل.