تاند (جمعه، د قوس ۳مه) راپورونه وایي چې د کابل ښار په کوټه سنګي سیمه کې نن ناوخته د څو چاودنو غږونه اوریدل شوي دي.
یو شمېر ځايي خلکو دا خبر تایید کړی، خو له نورو جزییاتو یې ناخبري ښودلې ده.
د طالبانو پر ضد یوې وسله والې ډلې چې ځان د افغانستان د ازادۍ جبهه بولي په یوه خپره کړې ویډیو کې د ډزو او چاودنو د غږونو له خپرولو سره ویلي چې په کوټه سنګي کې یې د طالبانو پر پوستې برید کړی او د ۴ تنو د وژلو ترڅنګ یې ۳ تنه نور ټپيان کړي دي.
طالبانو په دې اړه څه نه دي ویلي.