افغان لوبغاړي يواځيني لوبغاړي دي، چې د پرديو لګول شوي اور کې سوزيدلي، په وينو لړلي، له جنګه ډک هيواد څخه دي;
خو يوه نړۍ مينه و سوله په زړونو کې،
درنښت و ادب په خويونو کې، مسکا و ښکلا په مخونو کې او همدارنګه غيرت و شرافت په عملونو کې لري.
دوى که لوبې ګټي يا بايلي، خو زړونه هر ځل ګټي،
ارزښتونه يې هيڅکله ونه بايلل او عزت يې تلپاتى دى.
د دوى بايلل د بل له ګټلو دروند وي.
دوى ته وړه سپکه خبره، افغانستان او هر افغان ته لوى سپکاوى دى.
دوى افغانستان ته خورا ډير عزت وربخښلى،
دوى افغانانو ته ډير څه وګټل، لا يې ګټي او دا ګټه به يې په تاريخ کې پاته کيږي…
د داسې لوبډلې درلودل هر افغان ته وياړ دى.
دا لوبډله د افغانستان وياړ دى.
مونږ پر دوى وياړو, دوى د بالکل پر ځانونو ووياړي، ځکه دوى د وياړ وړ دي.
د دوى ګټه، تاوان، ګټل و بايلل، لوړې ژورې، ښيګړې، نيګړتياوې، تيروتنې…مونږ ته د منلو دي.
دوى ټول مونږ ته درانده او ګران دي.
لوبه بايلل هيڅ عيب نه لري،
عيب د عزت، د لوبې د اخلاقو او ادابو بايلل دي.
دوى دې همداسې درانده، خوش اخلاقه، با ادبه، مينه ناک، با عزته و سوله ايز اوسي.