تاند- هغه هندۍ ساینسپوهه چې څه موده پخوا یې سپوږمۍ ته د چاندریان – ۳ ستوربیړۍ تر توغول کېدو مخکې معکوسې شمېرې ویلې وې، د یکشنبې په ورځ مړه شوه.
د هند ستوربیړۍ، چاندریان-۳، دیارلس ورځې پخوا د سپوږمۍ په جنوبي قطب کې په کښېناستو بریالۍ شوه.
دا ستوربیړۍ د جولای په ۱۴ مه د هندۍ ساینسپوهې ولارماتي په قومانده فضا ته وتوغول شوه.
د انډیا ټودې ورځپاڼې د راپور له مخې، ولارماتي د زړه په سکته مړه شوه.
سپوږمۍ ته د ستوربیړۍ لېږلو هند د هغو څو ګوته په شمېر هیوادونو په ډله کې شامل کړ چې فضا ته سپوږمکۍ لیږي.
د هند صدراعظم نریندرا مودي پر سپوږمۍ د چاندرایان ۳ تر کښېناستو څو شېبې وروسته دا د خپل هیواد لپاره تاریخي ورځ وبلله.
د هند ستوربیړۍ وروسته له دې بریالۍ شوه چې سپوږمۍ ته ورسیږي چې د روسیې ستوربیړۍ سپوږمۍ ته له رسیدو سره سم وچاودېده.
تر دې وړاندې شوروي اتحاد توانېدلی و چې سپوږمۍ ته ستوربیړۍ ولیږي.
هند څلورم هیواد دی چې سپوږمۍ ته په بري ستوربیړۍ لېږي.