تاند: ( پنجشنبه، د زمري ۵ مه ) د طالبانو د کرنې وزارت ویلي، چې تېرکال یې د هېواد په مختلفو سيمو کې یې ۴۵۴زره ۹۷۰ جريبه دولتي غصب شوې ځمکه له غصب څخه خلاصه کړې ده.
نوموړي په یوه خبري غونډه کې دا خبره کړې، خو زیات جزیات یې په اړه نه دي ورکړي.
له یو شمېر ولایتونو څخه خلکو د ځمکو د غصب پر وړاندې د طالبانو د اقداماتو هرکلی کړی، خو ویلي چې دا اقدامات تر ډېره په ولسي سطحه د غصب شویو ځمکو پر وړاندې دي.
د دوی په وینا، د ځمکو د غصب د لویو قضیو؛ په ځانګړي ډول په کابل کې د یو شمېر زورواکو له لوري د شویو اقداماتو پر وړاندې تر اوسه جدي چلند نه دی شوی.
له دې سره، یو شمېر خلک په ځینو سیمو کې ځایي طالب مشران د دولتي ځمکو په غصب او شخصي استفادې تورنوي او وایي، چې طالب مشران باید ورته متوجه وي او مخه یې ونیسي.