تاند (شنبه، د تلې/ میزان ۱۱ مه) د کرنې، اوبولګولو او مالدارۍ وزارت وايي، په هېواد کې د زعفرانو تولید سږ کال ۴۱ ټنو ته لوړ شوی دی.
د دغه وزارت په یوه خبرپاڼه کې چې د جمعې په ورځ خپره شوې، ویل شوي چې د همدې مودې په ترڅ کې د ۷۷ میلیون ډالرو په ارزښت زعفران بهرنیو هېوادونو ته صادر شوي دي.
د وزارت په وینا، د زعفرانو تولید د تېرو کلونو پرتله زیات شوی او دغه بوټی اوس پر ۱۲ زره هکټاره ځمکه کرل کېږي.
د زعفرانو د تولید زیاتوالي بهرنیو بازارونو ته د دغه محصول د صادراتو او عرضې کچه هم لوړه کړې ده.