تاند: ( جمعه، د سرطان نهمه) په افغانستان کې د طالبانو رژیم او د نړۍ یو شمېر اسلامي هېوادونو په سویډن کې د یوه کس له لوري د قرآنکریم سوزول کیدل په توندو ټکیو غندلي دي.
د طالبانو بهرنیو چارو وزارت په یوه اعلامیه کې یاد شوي کس ته د سویډن حکومت له لوري د دغه عمل اجازه ورکول هم غندلي او له ټولو نړیوالو سازمانونو او هېوادونو یې غوښتي، چې د دغې سپکونکې کړنې پر وړاندې لازم اقدامات وکړي.
د طالبانو د رژیم ترڅنګ سعودي عربستان، ایران او عراق هم یاد شوی عمل غندلی.
د سویډن په پلازمېنه کې د یوه کس له لوري، چې ویل کیږي د عراق تبع دی، د یوه مراسم پر مهال د قرآنکریم څو پاڼې څېرې او بیا وسوزل شوې.
ویل کیږي، چې دغه کس ته د سویډن پولیسو د دې کار اجازه نه وه ورکړې، خو د محکمې له لوري د بیان ازادۍ په نوم هغه ته د دغه عمل اجازه ورکړل شوه.
کتاب د بشری افکارو هنداره ده او سوځل ئی بشری کرامت ته سپکاوی ګڼل کیږی البته د تاریخ په اوږدو کی د ډول ډول افکارو او عقائدو خاوندانو یو د بل په وړاندی تُری او باروت کارَولی دی خو په تودو او رسمی جګړه ایزو ډګرونو کی. د رسمی جګړو بهر یو د بل وژنه تروریسټی کړنه ده.
بناً
د خپلو افکارو خلاف کتاب جواب باید په کتاب ورکړه سی نه په تروریسټی کړنو ( د کتاب په سوځلو ).
که د کتاب سوځل د بیان او فکر آزادی وګڼله سی
نو
د بیان د آزادی په رُڼا کی:
” ژوندی او بریالی دی وی پوتین ”
او
“مرګ او نفرین دی وی پر زلینسکی او د هغه پر ټولو غربی ملاتړو خصوصاً انګریزانو او امریکائیانو”.