تاند: ( جمعه، د سرطان دویمه) د افغانستان د اوولس کلنو فوټبال ملي لوبډلې د اسیا جام سیالیو او نړیوال جام مقدماتي سیالیو کې په خپله درېیمه لوبه کې قطر هیواد ته د ۲/۱ ګولونو په توپیر ماته ورکړه.
په دې لوبه کې د افغانستان له خوا حبیب الله هوتک وتوانېده، چې په ۱۸ مه او ۴۰ مه دقیقه کې ګول ترسره کړي او په دې ډول افغانستان وکولی شول تر پایه د مقابل لوري پر وړاندې مبارزه وکړي او د قطر لوبډله پرې نږدي، چې له یوه ګول څخه زیات ګولونه ترسره کړي.
له دې وړاندې د افغانستان ۱۷ کلنو فوټبال ملي لوبډلې په یادو سیالیو کې له ایران او جنوبي کوریا څخه ماتې خوړلې وه.