تاند:(چار شنبه ، د جوزا ۳ مه ) د طالبانو د اطلاعاتو او فرهنګ وزارت چارواکي وایي، چې د دوی لخوا یوه تداوي شوي هیروین څکوونکي قرآنکریم خطاطي کړی او روغ شوی.
د دغه وزارت نشراتي مرستیال مهاجر فراهي ویلي، چې دا مخکینی معتاد احمدرضا شیرزاد نومیږي او مخکې یې تر پول سوخته لاندې ژوند کاوه.
د هغه په وینا، شېرزاد د قرآنکریم خطاطي د معتادینو د درملنې په مرکز کې کړې ده.
د طالب مقام په وینا، یاد شوي کس ته یې په اطلاعاتو او فرهنګ وزارت کې د دندې ژمنه هم ورکړې ده.
طالبان د زرګونه معتادینو درملنه او د کابل مختلفې سیمې ورڅخه پاکول خپله یوه لویه لاسته راوړنه بولي، خو منتقدین یې دا هڅې تبلیغاتي یادوي او وایي د دوی د افراطي او استبدادي قیوداتو او واکمنۍ له لاسه ډېر نور خلک پر نیشو او رواني ستونزو اخته شوي.
مننه کوو او ملاتړ يې کوو موږ ټول افغانان د داسې کارونو
هر چا چه د دی معتاد په رغولو که کوشش کړی الله ج د اجر ورکړی یقینا ډیر لوی کار شوی.
خو له یوو مرضه یې خلاص په بل مرض یې د ځان د غلامي لپاره ککړ که !