تاند- د امریکا د فضايي تحقیقاتو ادارې یا ناسا د سپوږمکیو معلومات ښيي چې په ۳۰ کلونو کې د سمندرونو د اوبو سطحه څه باندې ۳۰ سانتۍ لوړه شوې او که دا بهیر په همدې ډول دوام وکړي تر ۲۰۶۰ م کال پورې به ۳۰ سانتۍ نوره لوړه شي.
ناسا د سپوږمکیو د معلوماتو پر اساس ویلي چې له ۱۹۹۳ م کال راهیسې په مجموع کې د سمندرونو اوبه ۹ اعشاریه ۱ سانتي متره لوړې شوي دي.
د سمندرونو د اوبو د سطحې د لوړوالي دلیل اقلیمي بدلون او د مځکې په اتومسفیر کې د کاربون ډای اوکسایډ په شان د ګلتوني ګازونو زیاتېدا ښودل شوې ده.
د اقلیم بدلون په درسته نړۍ کې منفي عواقب لري خو پر کنګلونو او د هغو پر ویلي کېدو یې لا ډیر اغیز لرلی دی.
تېر کال په جنوبي قطب کې تر مخکینیو اټکلونو زیات کنګل ویلی شو.
ساینسپوهان وايي چې په شمالي قطب کې د ګرینلنډ د کنګلونو وضعیت د سمندرونو د اوبو د سطحې په لوړېدو کې ډېر اغیز درلود ځکه چې د کنګل حرکت او له هغه څخه د اوبو روانېدا د سمندرونو اوبه لا زیاتوي.