تاند:( یکشنبه، د حمل ۱۳ ) په هلمند کي د طالبانو ځایي چارواکي وایي، چې تېره اونۍ په دې ولایت کې د خپلمنځي شخړو او جنائي پېښو له امله ۱۰ تنو ته مرګ ژوبله اوښتې ده.
په هلمند کې د طالبانو د اطلاعاتو او فرهنګ ریاست ویلي، تېره اونۍ د مرکز لښکرګاه په ګډون د هلمند په موسی قلعه، سنګین، کجکي او باباجي ولسوالیو کي په نهو پېښو کې ۴ تنه وژل شوي او ۶ تنه نور ټپيان شوي دي.
سرچینې د دغو پېښو په اړه نور جزیات نه دي ورکړي.
افغان خبریالان نیوکه لري، چې د طالبانو له بیا واکمنیدو سره اطلاعاتو ته لاسرسی محدود شوی او دوی په ډېر ځنډ هغه هم له داسې پېښو په محدوده بڼه خبریږي.