تاند: ( چار شنبه، د کب ۱۷ مه) د پکتيا مرکز ګرديز کې د ((هوا)) په نوم خصوصي راډيو فعاليت پيل کړ.
د دغې راډیو مرستیال مبین میرزا وایي، چې « هوا» راډیو د نورو مسايلو ترڅنګ خبري، ښوونيز او د بشري حقونو اړوند موضوعات خپروي.
د طالبانو له بیا واکمنیدو سره، په هېواد کې تر ۴۴ پورې راډیوګانې تړل شوي، چې اقتصادي ستونزې او د طالبانو شدید سانسور یې اصلي لاملونه ګڼل کیږي.
د طالبانو د اطلاعاتو او فرهنګ وزارت وایي، چې تر ۲۰۰ پورې راډیوګانې لا هم په افغانستان کې فعال دي.
خبریالان او رسنوال بیا شکایت کوي، چې په کابل او ولایتونو ټولو کې د طالبانو مطبوعاتي مسوولین د دوی خپرونې سانسوروي، چې له امله یې په هېواد کې فعالو ډېرو رسنیو خپل مخاطبین له لاسه ورکړي.