تاند: (دوشنبه، د کب ۸ مه) د طالبانو د فواید عامې وزارت ويلي، چې د کابل -جلال اباد لویه لاره نن په ماهیپر سیمه کې د ګازو د يوه ټانکر د چپه کیدو له امله تړل شوې ده.
د وزارت د چارواکو د معلوماتو له مخې، سیمې ته د لارې د پرانیستلو منسوبین رسیدلي او د ژر پرانيستلو هڅه ېې کوي.
دغه لویه لاره پراخه ګڼه ګوڼه لري، چې د تړل کیدو له امله ېې خلکو ته ستونزې پيدا شوي دي.
د لارې تګ راتګ کوونکي غوښتنه کوي، چې د کابل – جلال اباد د دويمې لارې د جوړولو چارې دې چټکې شي، څو پر دغې لارې د ترافيکو فشار کم او د پېښو د رامنځته کیدو مخنیوی وشي.
.