تاند:( چار شنبه، د دلوې نولسمه) د روسیې په پلازمېنه مسکو کې نن د افغانستان په اړه د سیمې د هېوادونو د ملي امنیت شوراګانو مشران د افغانستان په اړه د سلا مشورو لپاره ټول شوي وو.
دا د طالبانو له بيا واکمنيدو وروسته، د افغانستان په اړه د سیمې د هېوادونو پینځمه غونډه وه.
په نننۍ غونډه کې د طالبانو د ادارې استازو ته د ګډون بلنه نه وه ورکړل شوې.
ایران، هندوستان، روسیه، قزاقستان، قرغیزستان، چین، تاجیکستان، ترکمنستان او ازبکستان نننۍ غونډې ته خپل استازي استولي وو.
په نننۍ غونډه کې د ايران د ملي امنیت سلاکار خبرداری ورکړی، چې په افغانستان کې له سیمې د باندې هېوادونو مداخله به په دغه هېواد او ټوله سیمه کې د نا امنۍ د پراختيا سبب شي.
د دغې غونډې په اړه نور جزییات نه دي تر لاسه شوي.
د طالبانو د ادارې ویاند ذبیح الله مجاهد وار د مخه ویلي، چې د دوی د استازو له ګډون پرته به د افغانستان په اړه غونډې بې اغېزې وي.
دا شغالان خو دچرګو د داړلو لپاره څو واری راټول شویدی مګر ددوی دیاده وتلی چی هغه چرګی ا وچرګان اوس ددوی هیوادونو ته ورتښتیدلی دی اوس افغانستان ددی وطن د اصیلو صاحبانو په لاس کی دی که سل ځله سره راټول شی هیڅ ګټه به ونلری