تاند:( سې شنبه، د دلوې اتلسمه) په افغانستان کې د سخت ژمي او ځپونکو ورښتونو له دوام سره، د هوا پیژندنې ملي ادارې په یو شمیر ولایتونو کې د سختې واورې او اورښت اټکل کړی دی.
يادې ادارې په يوه اعلاميه کې ويلي:« په بدخشان، نورستان، کنړ، ننګرهار، لغمان، کابل، لوګر، پکتیا، خوست، غزنی، تخار، کندوز، بغلان، پنجشیر، کاپیسا، پروان، میدان وردګ، بامیان، سمنګان، ډایکنډي، غور، سرپل، بلخ، جوزجان، فاریاب، بادغیس، او هرات ولایتونو کې د سالنګونو په ګډون د پیښېدو امکان شته.»
سرچینه زیاتوي، چې د اټکل شويو ورښتونو سطحه په بېلابېلو ساحو کې ۱۵ تر۴۰ ملي متر او همدارنګه د واورې کچه په بېلابېلو سیمو کې ۱۵ تر ۵۰ سانتي متره اټکل کیږي.
دا په داسې حال کې ده، چې افغانستان له سخت اقتصادي او بشري ناورين سره مخامخ دی او خلک د ورښتونو له دوام سره لا نورو ستونزو سره مخ کیږي.