تاند:( شنبه، د دلوې اتمه) د طالبانو کورنیو چارو وزارت لوړپوړي پلاوي نورستان ته د سفر پر مهال په دې ولايت کې د دوو نویو ولسواليو د تشکیل خبر ورکړی.
د نورستان لپاره د طالبانو ولايتي ادارې ويلي،غ پلاوي مشري د دوی د کورنيو چارو وزارت لومړي مرستیال مولوي محمد نبي عمري کوله او د دې وزارت د اداري او تامیناتي چارو مرستیال مولوي نورجلال جلالي ،ملکي او نظامي مسؤلین پکی شامل وو.
سرچینه زیاتوي، چې پلاوي د کانتیوا او وانټ وایګل په نومونو د نويو ولسواليو د تشکیل په اړه هم ځايي خلکو سره خبرې کړي دي.
طالبانو په وروستيو کې ځينو نورو ولايتونو ته هم نوې ولسوالۍ تشکيل کړي دي.
وانت وایګل برحاله ولسوالی ده چه د ډیر وخت راهیسی په دغه نوم شتون لری، حتی د دغه تیر جمهوریت څخه یی مخکی هم شتون درلود. او د کانتیوا نفوس او مساحت د ولسوالی د تشکیل څخه څو ځله وړوکی دی.