تاند:( دوشنبه، د جدي ۲۶) د افغانستان له بېلابېلو سيمو څخه د سړې هوا له امله د سلګونه تنو، حال اکثره ماشومان دي د ناروغۍ د خبرونو ترڅنګ د انساني او حیواني تلفاتو راپورونه ورکړل شوي.
د بادغیس د بالا مرغاب لپاره د طالبانو ولسوالمولوي خالد وايي، چې په دې ولسوالۍ کې د سختې يخنۍ له امله یوه ښځه او دوه ماشومان مړه شوي دي.
د هغه په وينا، د دې ترڅنګ یوازې په بالا مرغاب کی تر ۴ نیم زره پورې څاروي هم د دغې سړې هوا له امله تلف شوي دي.
بلخوا: د نیمروز د کرنې او مالدارۍ لپاره د طالبانو رئیس مولوي عبدالخالق حکیم الله ویلي، چې په دغه ولایت کې په تېره یوه اوونۍ کې ۲زره ۵۳۴ څاروي د یخنۍ او سختو بادونو له امله له منځه تللي دي.
له نورو ولايتونو څخه هم د انساني او حیواني تلفاتو، ناروغیو او مالي زيانونو راپورونه شته، خو لا دقیق شوي نه دي.
د طالبانو چارواکو په یو شمېر ولایتونو او په خاص ډول کندهار کې زیانمنو او بېوزلو خلکو سره د روغتيايي او نورو مرستو خبر ورکړی او په ځینو لویو لارو کې د واورو ايسار کړو کسانو د ژغورنې یې ویلي.